დასრულდა ინტელის ტრენინგები.
საინტერესო და ინფორმაციული შეხვედრები, კიდევ უფრო საინტერესო პროექტების იდეებით დახუნძლული.
იმედია, თეორია პრაქტიკაში გადაინაცვლებს და ეს კიდევ ერთი აგური იქნება ჩვენი განათლების სისტემისთვის.
მადლობა პედაგოგს და წარმატებები კოლეგებს.

პროექტის პორტფოლიო

ტრენინგის მეშვიდე დღეა. თითქოს დასასრულს უახლოვდება სამოქმედო გეგმის წერა, მაგრამ იმდენი წვრილმანი (ალბათ, არცაა წვრილმანი) იჩენს თავს, რომ დიდ ძალისხმევას მოითხოვს ჩვენგან.
დღეს საკმაოდ დიდი ნაბიჯი გადავდგით დასასრულისკენ და კიდევ უფრო გაძლიერდა სურვილი ამ პროექტის პრაქტიკაში განხორციელებისა.
იმედია, ასეც იქნება.

მეექვსე დღეა ვესწრებით ინტელის სასწავლო ტრენინგს.
ყოველი სასწავლო დღე გაწერილი აქვს ხელმძღვანელს და პროექტის ყველა ნიუანს ეტაპობრივად გვაცნობს, გვასწავლის.
პროექტის გეგმა - ძირითადი ხერხემალი ჩვენი საქმიანობისა - უკვე დასასრულს უახლოვდება. დღეს საბოლოოდ ჩამოვაყალიბეთ მოსწავლეთა ნამუშევრების შეფასების კრიტერიუმები და გავწერეთ ჩვენი სამოქმედო გეგმა.
მუშაობა იმდენად შემოქმედებითია, რომ ვერ ვიგებთ როგორ გადის დრო.

მიმართულების მიმცემი საკვანძო კითხვები
ზოგადი კითხვა	რატომ უნდა გავიცნოთ და ვისწავლოთ მითოლოგია?
თემატური კითხვები	ვინ არის მედეა - ტრაგიკული ბედის მქონე მეფის ასული, სამშობლოს მოღალატე თუ... (შემოგვთავაზეთ თქვენეული ვერსია) ევრიპიდეს მითის მიხედვით მედეა შვილებს კლავს, რატომ აკვლევინებს დრამატურგი დედას შვილებს - ეს რეალობაა თუ მას ტრაგედია ტრაგედიისთვის დასჭირდა? როგორ შეიცვლებოდა რეალობა თუ ამბავს მედეა მოგვიყვებოდა? როგორ გამოვიყენოთ ქართველებმა ბერძნული მითები (ამ შემთხვევაში მედეას მითი) ჩვენი ქვეყნის პოპულარიზაციისთვის? გვეხმარება ლიტერატურა (მითოლოგია) ქვეყნის ისტორიული წარსულის შეცნობაში? რას გვეუბნებიან მითები 21-ე საუკუნის ადამიანებს?
შინაარსობრივი კითხვები	ვინ იყო მედეა? ვინ იყვნენ და რატომ მოხვდნენ არგონავტები საქართველოში? რა არის ოქროს საწმისი და როგორ მოხვდა ის საქართველოში? როგორ იცავდნენ ქართველები ოქროს საწმისს? როგორ ჩაიგდეს ხელთ არგონავტებმა ოქროს საწმისი? ამ თემატიკაზე შექმნილი ნაწარმოებები (მხატვრული, ფერწერული ტილოები, სცენარები...)

პირველი დღის რეფლექსია

სამი რამ, რაც დამამახსოვრდა:
1. პროექტები
2. საიტი tpdc.ge - რესურსების საინტერესო წყარო
3. 21-ე საუკუნის უნარ-ჩვევებზე სხვა კუთხით დაფიქრება

ორი შეკითხვა:
1.
2.

ერთი კომენტარი:
1. მადლობა დღევანდელი დღისთვის. ველოდები შემოქმედებითად და ინფორმაციულად დატვირთულ შეხვედრებს.